Լեհաստանի ոստիկանության Քրեագիտության կենտրոնական լաբորատորիայի պատվիրակությունը՝ ՀՀ ոստիկանությունում (ՏԵՍԱՆՅՈՒԹ)
![Լեհաստանի ոստիկանության Քրեագիտության կենտրոնական լաբորատորիայի պատվիրակությունը՝ ՀՀ ոստիկանությունում (ՏԵՍԱՆՅՈՒԹ) Լեհաստանի ոստիկանության Քրեագիտության կենտրոնական լաբորատորիայի պատվիրակությունը՝ ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1423576396,2609.jpeg&q=75&w=780&wm=1)
Փետրվարի 10-ին ոստիկանության պետի տեղակալ, ոստիկանության գեներալ-մայոր Վարդան Եղիազարյանն ընդունեց Լեհաստանի ոստիկանության Քրեագիտության կենտրոնական լաբորատորիայի պատվիրակությանը՝ տնօրեն Վալդեմար Կրավչիկի գլխավորությամբ:
Ողջունելով հյուրերին՝ Վարդան Եղիազարյանը կարևորեց Հայաստանի Հանրապետության ոստիկանության և Լեհաստանի Հանրապետության ներքին գործերի նախարարության միջև համագործակցությունը, որն ավանդաբար եղել է ակտիվ և արդյունավետ: Նա հատկապես կարևորեց Արևելյան գործընկերության եվրոպական նախաձեռնության շրջանակներում Եվրոպական հանձնաժողովի նախաձեռնած «Ոստիկանական համագործակցության ծրագիրը», որն աջակցում է Եվրոպական Միության և Արևելյան գործընկերության երկրների ոստիկանական համագործակցությանը` կապված միջսահմանային հանցագործությունների դեմ արդյունավետ պայքարին և օրենքի գերակայությունն ամրապնդելու նպատակով քայլեր ձեռնարկելուն: Եռամյա ծրագրի ներդրման փուլն իրականացվում է Լեհաստանի ներքին գործերի նախարարության աջակցությամբ:
Հանդիպման ընթացքում քննարկվեցին փոխադարձ հետաքրքրություն ներկայացնող, մասնավորապես՝ փորձաքրեագիտական ոլորտի, ինչպես և ԴՆԹ անալիզի կատարելագործմանն ուղղված մի շարք հարցեր:
Պայմանավորվածություն ձեռք բերվեց նշված ոլորտում համագործակցությունը դարձնել շարունակական և առավել արդյունավետ: