Վրաերթի ենթարկված քաղաքացիներից մեկը հիվանդանոցում մահացել է

Փետրվարի 26-ին, ժամը 14.00-ի սահմաններում, Ծովագյուղ-Շորժա-Վարդենիս ճանապարհի 91-րդ կմ-ին «ՈւԱԶ» մակնիշի մեքենայի վարորդը վրաերթի էր ենթարկել երեք քաղաքացու, որոնք մարմնական վնասվածքներով տեղափոխվել էին հիվանդանոց:
Փետրվարի 28-ին հիվանդանոցից ոստիկանության Վարդենիսի բաժնում հաղորդում է ստացվել, որ նշված վթարի հետևանքով բուժօգնության տեղափոխված 34-ամյա Քրիստինա Սարկիսովան ժամը 23.50-ին, գիտակցության չգալով, մահացել է:
Կատարվում է նախաքննություն: