Վթարի հետևանքով բուժօգնության տեղափոխված վարորդը մահացել է

Օգոստոսի 23-ին, ժամը 14.30-ի սահմաններում, Երևան-Սևան ճանապարհի 10-րդ կմ-ին «Մերսեդես» մակնիշի ավտոմեքենան դուրս էր եկել երթևեկելի հատվածից և բախվել երկաթե սյանը. 73-ամյա վարորդը և երեք ուղևորները մարմնական վնասվածքներով տեղափոխվել էին հիվանդանոց:
Օգոստոսի 28-ին հիվանդանոցից ոստիկանության Կոտայքի բաժնում հաղորդում է ստացվել, որ վթարի հետևանքով բուժօգնության տեղափոխված 73-ամյա Վահան Օհանյանը ժամը 15.00-ի սահմաններում մահացել է:
Կատարվում է քննություն։