Մահվան ելքով ճանապարհատրանսպորտային պատահարներ Հայաստանում

Օգոստոսի 29-ին, ժամը 22.30-ի սահմաններում, Սարդարապատ-Արաքս ճանապարհի 3-րդ կմ-ին «Ֆորդ» մակնիշի ավտոմեքենան դուրս է եկել երթևեկելի գոտուց և գլորվելով՝ հայտնվել դաշտում. 43-ամյա վարորդ Կնյազ Շամոյանը հիվանդանոց տեղափոխվելիս մահացել է: Կատարվում է նախաքննություն։

***
Օգոստոսի 29-ին, ժամը 06.30-ից 07.00-ն ընկած ժամանակահատվածում, Եղվարդ-Աշտարակ ճանապարհի 4-րդ կմ-ին «Ֆորդ Ֆոկուս» մակնիշի ավտոմեքենան դուրս է եկել երթևեկելի մասից և կողաշրջվել դաշտամիջյան հատվածում. 28-ամյա վարորդ Աննա Մնացականյանը մահացել է:
Կատարվում է նախաքննություն։

***
Օգոստոսի 29-ին, ժամը 10.00-ի սահմաններում, Երևան-Մեղրի ճանապարհի 184-րդ կմ-ին «Նիսան» մակնիշի ավտոմեքենան դուրս է եկել հանդիպակաց գոտի և բախվել «Օպել» մակնիշի ավտոմեքենայի: «Նիսանի» 50-ամյա վարորդ Ավագ Հովհաննիսյանը մահացել է, իսկ երեք ուղևորները, «Օպելի» 49-ամյա վարորդը և 28-ամյա ուղևորը մարմնական վնասվածքներով տեղափոխվել են հիվանդանոց. ճանապարհին «Նիսանի» 46-ամյա ուղևոր Նվեր Հովհաննիսյանը մահացել է:
Կատարվում է նախաքննություն։

***
Օգոստոսի 29-ին, ժամը 20.50-ի սահմաններում, Եղվարդ քաղաքի Չարենցի և Երևանյան փողոցների խաչմերուկում իրար են բախվել «Օպել» և «ՎԱԶ-2106» մակնիշի ավտոմեքենաներ. «ՎԱԶ-2106»-ի 41-ամյա վարորդ Արտակ Մկրտչյանը հիվանդանոց տեղափոխվելու ճանապարհին մահացել է, իսկ 29-ամյա ուղևորը և «Օպելի» 23-ամյա վարորդը մարմնական վնասվածքներով տեղափոխվել են հիվանդանոց:
Կատարվում է նախաքննություն։

***
Օգոստոսի 29-ին, ժամը 15.50-ի սահմաններում, Ծովագյուղ-Շորժա-Վարդենիս ճանապարհի 14-րդ կմ-ին «ԲՄՎ» մակնիշի ավտոմեքենան դուրս է եկել երթևեկելի գոտուց և գլորվելով՝ բախվել բետոնե ցանկապատին. 47-ամյա վարորդ Ռուսլան Մկրտչյանը մահացել է, իսկ 29-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է նախաքննություն։

***
Օգոստոսի 28-ին, ժամը 20.35-ին, հիվանդանոցից հաղորդում է ստացվել, որ տեղափոխվել է 14-ամյա Սպարտակ Կարապետյանի դին: Ժամը 21.10-ին 33-ամյա քաղաքացին հաղորդում է տվել, որ ժամը 19.00-ի սահմաններում իր հորեղբոր թոռ ՍպարտակԿարապետյանը, առանց որևէ մեկին տեղյակ պահելու, վարել է հոր «ԳԱԶ-53» մակնիշի ավտոմեքենան, որը գյուղամիջյան ճանապարհին դուրս է եկել երթևեկելի գոտուց և բախվել պատին, ինչի հետևանքով պատանին մահացել է:
Կատարվում է նախաքննություն։

***
Օգոստոսի 29-ին, ժամը 19.00-ի սահմաններում, Երևան-Սևան-Իջևան ճանապարհի 139-րդ կմ-ին իրար են բախվել «Մերսեդես» և «Օպել» մակնիշի ավտոմեքենաներ. վարորդները և «Մերսեդեսի» հինգ ուղևորները մարմնական վնասվածքներով տեղափոխվել են հիվանդանոց, որտեղ 3-ամյա ուղևոր Աննա Ծատուրյանը մահացել է:
Կատարվում է նախաքննություն։