Մալաթիայի ոստիկանները բացահայտել են գողության նոր դրվագներ

Հուլիսի 1-ին ոստիկանության Մալաթիայի բաժնի ծառայողները մեքենաներից գողություն կատարելու կասկածանքով բերման էին ենթարկել 36-ամյա մի տղամարդու:
Մալաթիայի քրեական հետախույզների ձեռնարկած հետագա միջոցառումներով պարզվել է, որ նա հունիսի 24-ին, ժամը 16.20-ին, գողացել է Սեբաստիայի փողոցում կայանված «Մերսեդեսի» թափարգելի նիկելապատ դետալը՝ պատճառելով 30 հազար դրամի վնաս, իսկ ժամը 17-ին՝ Սեբաստիայի փողոցում կայանված «Մերսեդեսի» կողային հայելին: Մեկ այլ «Մերսեդեսի» կողային հայելիներն էլ, դարձյալ Սեբաստիայի փողոցում, գողացել էր մայիսի կեսերին՝ պատճառելով 100 հազար դրամի վնաս:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: