Խանութներից գողություններ էր արել ու բռնվել. ոստիկանության բացահայտումը

Մարտի 5-ին, ժամը 14.30-ի սահմաններում, օպերատիվ կառավարման կենտրոնից ոստիկանության Մալաթիայի բաժնում հաղորդում էր ստացվել, որ ժամեր առաջ Սվաճյան փողոցի շինանյութի խանութից գողություն է կատարվել:
Ձեռնարկված անհետաձգելի միջոցառումների արդյունքում քրեական հետախույզները նույն օրը Տիչինայի փողոցից, գողություն կատարելու կասկածանքով, ոստիկանության Մալաթիայի բաժին բերման ենթարկեցին Ներքին Շենգավիթի 55-ամյա մի բնակչի:
Նա տվել է խոստովանական բացատրություն:
Հետագա միջոցառումներով պարզվել է, որ կասկածվողը հունվարի 15-ից 30-ը Անդրանիկի փողոցի շինանյութի երկու խանութներից, օգտվելով վաճառողների անուշադրությունից, պարբերաբար արհեստագործական ու շինարարական ապրանքներ է գողացել:
Հանգամանքները պարզվում են:
Փաստի առթիվ նախապատրաստվում են նյութեր: