ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Փորձել էր գողանալ սուպերմարկետի վճարային տերմինալը. Մարաշի ոստիկանների բացահայտումը

24.12.2021 17:46 Գողություն

Դեկտեմբերի 18-ի առավոտյան ոստիկանության Կենտրոնական բաժնում հաղորդում էր ստացվել, որ լինգով կոտրել են Քաջազնունու փողոցի սուպերմարկետի դուռը և փորձել գողանալ սրահում տեղադրված վճարային տերմինալը, բայց ինչ-ինչ հանգամանքներում հանցագործությունը ավարտին չհասցնելով` հեռացել են: Հաղորդումը տարածքային կարգով փոխանցվեց ոստիկանության Մարաշի բաժանմունք:
Օպերատիվ խումբը մեկնեց Քաջազնունու փողոց: Դեպքի վայրում ձեռք բերված փաստերի և օպերատիվ տեղեկությունների մշակմամբ պարզվեց, որ գողության փորձը կատարել է Մանուկյան փողոցի 25-ամյա մի բնակիչ:
Նույն օրը նա Շերամի փողոցում հայտնաբերվեց, բերման ենթարկվեց ոստիկանության Մարաշի բաժանմունք և տվեց խոստովանական բացատրություն:
Քննությունը շարունակվում է:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: