Մարաշի բաժանմունք բերման ենթարկված հետախուզվողի մոտ մեթադոն է հայտնաբերվել․ նա կալանավորված է

Ապրիլի 24-ին ոստիկանության Մարաշի բաժանմունքի ծառայողները մայրաքաղաքի Աճառյան փողոցից ոստիկանություն բերման ենթարկեցին Երևանի 42-ամյա մի բնակչի, որը հետախուզվում էր գողության մեղադրանքով։
Նրա անձնական խուզարկությամբ հայտնաբերվեց մեթադոն տեսակի 12 դեղահաբ։
Ըստ բերման ենթարկվածի՝ հայտնաբերվածը թմրամիջոց է՝ իր օգտագործման համար։
Նշանակվել են փորձաքննություններ։
Երևանի 42-ամյա բնակիչը կալանավորված է։