Մարմնական վնասվածքը դանակահարության հետևանք էր
Մարտի 11-ին, ժամը 22.50-ին, հիվանդանոցից ոստիկանության Աշտարակի բաժին հաղորդում էր ստացվել, որ «ձախ նախաբազկի ստորին երրորդականի միջանցիկ ծակած վերք, ծղիկային նյարդի վնասում» ախտորոշմամբ բուժօգնության է դիմել 23-ամյա երիտասարդ և հայտնել, որ այգու ցանկապատը նորոգելիս վնասել է ձեռքը:
Ձեռնարկված միջոցառումների շնորհիվ պարզվել է, որ ժամը 22.00-ի սահմաններում Արագածոտնի մարզի Բազմաղբյուր գյուղի ֆուտբոլի դաշտում տեղի ունեցած վիճաբանության ժամանակ նրան դանակահարել է նույն գյուղի բնակիչ, 20-ամյա մի երիտասարդ: Նա բերման է ենթարկվել Աշտարակի բաժին և տվել խոստովանական բացատրություն:
Ձեռնարկվում են միջոցառումներ՝ հանցագործության գործիք դանակը հայտնաբերելու ուղղությամբ:
Նշանակվել է դատաբժշկական փորձաքննություն:
Նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
