Մարտունու բաժնի ոստիկանները գիշերային ծառայության ժամանակ ապօրինի թմրաշրջանառության դեպք են բացահայտել

Նոյեմբերի լույս 20-ի գիշերը ոստիկանության Մարտունու բաժնի ծառայողները, ապօրինի թմրանյութ պահելու և օգտագործելու կասկածանքով, Ներքին Գետաշեն գյուղից, մեքենայով հանդերձ, բաժին բերման են ենթարկել երեք երիտասարդի, որոնցից մեկը՝ մայրաքաղաքի, երկուսը Ներքին Գետաշենի բնակիչներ էին։ Նրանցից մեկի խուզարկությամբ հայտնաբերվել է հաշիշի նմանվող կոշտ զանգված, որն, ըստ 18-ամյա տղայի, գնել էր անծանոթից՝ փողը վճարելով էլեկտրոնային տարբերակով։ Մեքենայում հայտնաբերված շշի վերաբերյալ երիտասարդը հայտնել է, որ բերման ենթարկվելուց ժամեր առաջ դրանով թմրամիջոց էին օգտագործել։ Նշանակվել է փորձաքննություն։ Հանգամանքները պարզվում են։