Մարտունու ոստիկանները գողության դեպքեր են բացահայտել

Մարտունու բաժնի համայնքային ոստիկանները տեղեկություններ էին ստացել, որ Սևան քաղաքի 36-ամյա մի բնակչուհի գողություններ է անում։ Դեկտեմբերի 9-ին Մարտունի քաղաքի Երևանյան փողոցից կասկածվողը բերման ենթարկվեց բաժին։
Պարզվեց, որ նա նույն օրը, ժամը 14-ին, Երևանյան փողոցի մի խանութից բջջային հեռախոս էր գողացել:
Բայց սա ամենը չէր։ Բերման ենթարկված կինը դեկտեմբերի 6-ին գնումներ կատարելու պատրվակով մտել էր ևս երկու խանութ և, օգտվելով վաճառողների անուշադրությունից, հագուստ էր գողացել։
Ձեռնարկվում են միջոցառումներ՝ գողոնը հայտնաբերելու ուղղությամբ։
Հանգամանքները պարզվում են։