Արմատախիլ արված կանեփի թփեր ու թմրանյութ. Մասիսի ոստիկանների բացահայտումը

Ոստիկանության Մասիսի բաժնի համայնքային ոստիկանները օպերատիվ տեղեկություն էին ստացել, որ Գետափ գյուղի բնակիչ, 44-ամյա մի տղամարդ տնամերձ հողամասում կանեփ է աճեցնում, նաև պահում է կանեփի չորացված ու մանրացված զանգված:
Օգոստոսի 7-ին ոստիկաններն այցելեցին Գետափ: Տղամարդու հողամասում հայտնաբերվեց ու արմատախիլ արվեց կանեփի 31 թուփ: Նաև հայտնաբերվեցին մանրացված, չորացված կանեփանման զանգված ու օգտագործած երեք կաթուցիչ: Ըստ տանտիրոջ` կանեփն աճեցրել էր իր օգտագործման համար:
Նշանակվել է փորձաքննություն: Հանգամանքները պարզվում են: