Խանութի դրամարկղից փող էր գողացել. Մասիսի ոստիկանների բացահայտումը

Մարտի 1-ին, կեսգիշերն անց, ոստիկանության Մասիսի բաժնում ահազանգ էր ստացվել, որ Այնթապ գյուղի մթերային խանութից գողություն է կատարվել:
Դեպքի վայր մեկնած օպերատիվ խումբը պարզել էր, որ փետրվարի 28-ին, ժամը 23-ի սահմաններում, օգտվելով խանութի տիրոջ անուշադրությունից՝ դրամարկղից փող էին գողացել:
Անհրաժեշտ արձանագրություններ կազմելուց հետո որոնողական աշխատանք սկսվեց։ Հաղորդումից օրեր անց գաղտնի հափշտակությունը բացահայտվեց բացառապես օպերատիվ ճանապարհով։ Քրեական հետախույզները տեղեկություններ ստացան, որ գողությունը հնարավոր է կատարած լինի Երևանի Շենգավիթ համայնքի 41-ամյա մի բնակիչ։
Մարտի 8-ին կասկածվողը Նոր Խարբերդի ամառանոցներից բերման ենթարկվեց ոստիկանության Մասիսի բաժին։
Նա տվել է խոստովանական բացատրություն:
Հանգամանքները պարզվում են։
Փաստի առթիվ նախապատրաստվում են նյութեր: