Այնթապ գյուղում կատարված դանակահարությունը բացահայտվեց

Հունիսի 5-ին «Էրեբունի» բժշկական կենտրոնից ոստիկանության Մասիսի բաժնում հաղորդում ստացվեց, որ որովայնի կտրած-ծակած վերքով բուժօգնության է տեղափոխվել 31-ամյա տղամարդ։ Հիվանդանոց մեկնած օպերատիվ խումբն անմիջապես ձեռնարկեց դանակահարությունը բացահայտելու միջոցառումներ։
Օպերատիվ միջոցառումները Մասիսի քրեական հետախույզներին տարան Այնթապ։ Պարզվեց՝ դեպքը տեղի էր ունեցել Այնթապի 13-րդ փողոցում։ Պարզվեց նաև տուժածի հետ վիճաբանած, ապա դանակահարած անձի ինքնությունը։ Բացատրական աշխատանքի արդյունքում 33-ամյա տղամարդը ներկայացավ ոստիկանության Մասիսի բաժին՝ բերելով դանակ, որը, նախնական տվյալներով, հանցագործության գործիքն է։ Նա տվել է խոստովանական բացատրություն։
Նշանակվել են փորձաքննություններ։
Հանգամանքները պարզվում են։