Վեճ և դանակահարություն գյուղի դպրոցի տարածքում
![Վեճ և դանակահարություն գյուղի դպրոցի տարածքում Վեճ և դանակահարություն գյուղի դպրոցի տարածքում](/timthumb?src=/resources/police/img/news/big/1640336607-9935.jpeg&q=75&w=780&wm=1)
Դեկտեմբերի 23-ին, րոպեների տարբերությամբ, հիվանդանոցից ոստիկանության Մասիսի բաժնում հաղորդումներ էին ստացվել, որ «որովայնի առաջնային պատի թափանցող-կտրած-ծակած վերք» և «որովայնի թափանցող վիրավորում» ախտորոշումներով բուժօգնության են տեղափոխվել 14-ամյա երկու պատանիներ։
Մեկնած օպերատիվ-քննչական խմբի ծառայողները պարզել են, որ ժամը 11.30-ի սահմաններում Այնթապ գյուղի դպրոցներից մեկի տարածքում տեղի ունեցած վիճաբանության ժամանակ 15-ամյա պատանին դանակահարել էր հիվանդանոց տեղափոխվածներին:
Բացատրական աշխատանքի արդյունքում 15-ամյա դպրոցականը ներկայացել է բաժին և հայտնել, որ արարքը կատարել է ինքը:
Նախապատրաստված նյութերն ուղարկվել են Մասիսի քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: