Ոստիկանությունը մասնակցել է «Մայրիկ և երեխա» միջոցառմանը (ՏԵՍԱՆՅՈՒԹ)

Նոյեմբերի 16-ից 17-ը Երևանում անցկացվեց «Մայրիկ և երեխա էքսպո 2019» միջոցառումը, որի նպատակն էր բարձրացնել հայ ընտանիքների իրազեկվածության մակարդակը սոցիալական, առողջապահական և իրավական բնագավառներում։ Միջոցառմանը ակտիվ մասնակցություն ունեցավ նաև ոստիկանությունը։
Ոստիկանության քրեական հետախուզության գլխավոր վարչության երրորդ վարչության ծառայողները ներկայացրին ընտանեկան բռնության դեմ ոստիկանության պայքարի մանրամասներ, պատասխանեցին անչափահասների խնդիրներին վերաբերող հարցերի։
Միջոցառման շրջանակներում հանդիպումներ տեղի ունեցան նաև ճանապարհային ոստիկանության ներկայացուցչի և ոստիկանության պետին կից հասարակական խորհրդի անդամ, «Վարորդի ընկեր» կազմակերպության ներկայացուցիչների հետ։
Նրանք խոսեցին անվտանգ երթևեկության, ամրագոտու կիրառման և երթևեկության կանոնների պահպանման մասին։
Կարևորվեց նաև քարսիթների օգտագործումը, ինչը երեխաների անվտանգ երթևեկության գրավականներից է։
Բանախոսները ելույթների ավարտին պատասխանեցին ներկաների հարցերին։