Մեծամորի ոստիկանները Մրգաշատ գյուղում թմրանյութ են հայտնաբերել

Ոստիկանության Մեծամորի բաժնի ՊՊԾ դասակի ծառայողները տեղեկություններ էին ստացել, որ Մրգաշատ գյուղի 44-ամյա մի բնակիչ թմրամիջոց է պատրաստում, պահում և օգտագործում։
Տեղեկությունների իսկությունը ստուգելուց հետո քրեական հետախույզները օգոստոսի 5-ին նշված տան հողամասում հայտնաբերեցին կանեփի 6 բույս և 1,5 կգ ճյուղեր։
Ըստ տանտիրոջ՝ հայտնաբերվածը ցանել էր իր օգտագործման համար։
Նշանակվել է դատաքիմիական փորձաքննություն:
Փաստի առթիվ նախապատրաստվում են նյութեր։