Մեծավանի հաստոցաշինական արտադրամասից կատարված գողությունը բացահայտվեց թարմ հետքերով

Նոյեմբերի 14-ին ոստիկանության Լոռու մարզային վարչության և Տաշիրի բաժնի ծառայողները, համագործակցելով Աշտարակի բաժնի քրեական հետախույզների հետ, անձնական ունեցվածքի գողության դեպք բացահայտեցին:
Իրավապահները Աշտարակ քաղաքից, գողություն կատարելու կասկածանքով, ոստիկանության Տաշիրի բաժին բերման ենթարկեցին Մեծավան գյուղի երեք բնակչի:
Պարզվել է, որ նրանք նոյեմբերի 14-ին, ժամը 3-ի սահմաններում, պատուհանով մտել են Մեծավանի հաստոցաշինական արտադրամաս և գողացել սարքավորումներ:
Գողոնը հայտնաբերվել է:
Նշանակվել է դատաապրանքագիտական փորձաքննություն:
Փաստի առթիվ նախապատրաստվում են նյութեր: