Մեքենայից գողություն էր արել ու բռնվել. ոստիկանների բացահայտումը

Հուլիսի 3-ին, ժամը 08.00-ի սահմաններում, ոստիկանության Շենգավիթի բաժնում օպերատիվ կառավարման կենտրոնից հաղորդում էր ստացվել, որ հուլիսի 2-ի ժամը 21.00-ից մինչև հուլիսի 3-ի ժամը 08.00-ն, Շարուրի փողոցի շենքերից մեկի բակում, տեխնիկական միջոցների գործադրմամբ բացել են կայանված «ՎԱԶ-2106» մակնիշի մեքենայի շարժիչի ծածկոցը և գողացել մարտկոցը:
Հուլիսի 5-ին ժամը 13.40-ին ոստիկանության Չարբախի բաժանմունքի քրեական հետախույզների համապատասխան միջոցառումների շնորհիվ, նշված գողությունը կատարելու կասկածանքով, Արշակունյաց պողոտայից բերման է ենթարկվել նույն պողոտայի 27-ամյա մի բնակիչ: Նա տվել է խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ: Փաստի առթիվ նախապատրաստվում են նյութեր: