Ոստիկանները բացահայտել են մեքենայից կատարված գողությունը

Հունվարի 5-ին, ժամը 13.50-ին, ոստիկանության Էրեբունու բաժին հաղորդում էր ստացվել, որ ժամը 00.05-ից 12.30-ն ընկած ժամանակահատվածում, տեխնիկական միջոցների գործադրմամբ ապակին կոտրելով, Ջրաշենի 1-ին փողոցի տներից մեկի բակում կայանված «Օպելի» սրահից գողացել են վերբարձրիչ, գորգեր, անիվ քանդելու բանալի, գինի, կոնֆետ, մանկական հագուստ, մեքենայով ուղևորվելու համար նախատեսված մանկական աթոռ, դրամապանակ, որի մեջ եղել է անձնագիր, նույնականացման և սոցիալական քարտեր, վարորդական իրավունքի վկայական և տրանսպորտային միջոցի հաշվառման վկայագիր, իսկ շարժիչի կափարիչը բացելով՝ գողացել են էլեկտրական մարտկոցը:
Ոստիկանության Մաշտոցի բաժնի ՔՀԲ ծառայողների ձեռնարկած միջոցառումների շնորհիվ պարզվել է գողությունը կատարողի ինքնությունը: Ոստիկանների բացատրական աշխատանքի շնորհիվ 28-ամյա երիտասարդը փետրվարի 18-ին ներկայացել է նախաքննական մարմնին և տվել խոստովանական ցուցմունք:
Կատարվում է նախաքննություն: