Ստուգայց-շրջագայություններ՝ մուրացիկ ու թափառաշրջիկ երեխաներ հայտնաբերելու նպատակով
Ապրիլի 12-ից 14-ը ոստիկանության հասարակական անվտանգության ապահովման գլխավոր վարչության անչափահասների հարցերով և ընտանիքում բռնության կանխարգելման վարչության ծառայողների նախաձեռնությամբ, մուրացիկ ու թափառաշրջիկ անչափահասների, ինչպես և նրանց հակաիրավական գործունեության մեջ ներգրավող անձանց հայտնաբերելու նպատակով, Կենտրոն, Արաբկիր և Շենգավիթ վարչական շրջաններում կազմակերպվեցին կանխարգելիչ ստուգայց-շրջագայություններ: Շրջայցերին մասնակցում էին պարեկներն ու տարածքային բաժինների ծառայողներ:
Եռօրյա միջոցառման ընթացքում մասնագիտացված ստորաբաժանման ծառայողները հայտնաբերված մուրացիկ անչափահասների հետ անհրաժեշտ աշխատանք իրականացրին՝ մուրացկանությամբ զբաղվելու պատճառները վեր հանելու և կանխարգելիչ մեխանիզմներ մշակելու նպատակով:
Միջոցառման խնդիրն էր ուսումնասիրել նմանօրինակ վարքի պատճառները, նրանց ընտանիքների սոցիալական վիճակը` հետագայում շահագրգիռ կառույցների հետ անհրաժեշտ աջակցություն ցուցաբերելու նպատակով:
Կանխարգելիչ միջոցառումները կրելու են շարունակական բնույթ:
