Մուշի ոստիկաններն ապօրինի թմրաշրջանառության դեպք են բացահայտել

Ոստիկանության Գյումրի քաղաքի Մուշի բաժնի քրեական հետախույզները հունվարի 27-ին, ապօրինի թմրամիջոց պահելու, պատրաստելու և օգտագործելու կասկածանքով, բերման ենթարկեցին Գյումրիի Աթարբեկյան փողոցի բնակիչ, 34-ամյա մի տղամարդու: Անձնական խուզարկությամբ նրա գրպանից հայտնաբերվեց պոլիէթիլենային փաթեթ` ավելի քան 11 գրամ կանաչավուն, մանրացրած, չորացրած բուսական զանգվածով:
Հայտնաբերվածի վերաբերյալ տղամարդը հայտնել է, որ մարիխուանա է, որը պատրաստել է 2021 թ. հուլիսին՝ վայրաճ կանեփի թփերից։ Թմրանյութի մի մասը ծխելու եղանակով օգտագործել էր, իսկ մյուս մասը պահել էր հետագայում օգտագործելու նպատակով:
Նշանակվել է դատաքիմիական փորձաքննություն:
Նախապատրաստվում են նյութեր: