«Ուղիղ կապ»` ՀՀ ոստիկանությունում. ներքին անվտանգության վարչության պետը պատասխանեց քաղաքացիների հեռախոսազանգերին (ՏԵՍԱՆՅՈՒԹ)

Հասարակություն-ոստիկանություն կապի ամրապնդման, ոստիկանական ստորաբաժանումների աշխատանքի թափանցիկությունն ապահովելու, քաղաքացիներին անհրաժեշտ տեղեկություն տրամադրելու նպատակով` ոստիկանությունում սեպտեմբերի 9-ից սկսած, ամեն երեքշաբթի, գործում է «Ուղիղ կապ», որի ընթացքում քաղաքացիներին հետաքրքրող հարցերին պատասխանում են ոստիկանության ստորաբաժանումների պատասխանատուները:
Սեպտեմբերի 16-ին հերթական «Ուղիղ կապի» հյուրն էր ոստիկանության ներքին անվտանգության վարչության պետ, ոստիկանության գնդապետ Արմեն Հակոբյանը:
«Ուղիղ կապի» ընթացքում ստացված հարցերին տրվել են սպառիչ պատասխաններ:
Հեռախոսազանգերի մի մասն էլ թեև չէին վերաբերում ներքին անվտանգության վարչության գործառույթներին, սակայն քաղաքացիներին տրվել է խորհրդատվություն և հարցերն ըստ այդմ ուղղորդվել են համապատասխան ստորաբաժանումներ:

Հիշեցնենք, որ քաղաքացիները կարող են «Ուղիղ կապ»-ի միջոցով ոստիկանության պաշտոնյաներին հարցեր ուղղել ամեն երեքշաբթի, ժամը 14.30-ից մինչև 16.30-ը՝ 010-59-60-54 հեռախոսահամարով:
«Ուղիղ կապ»-ի հերթական թեմայի և հարցերի վերաբերյալ տեղեկատվությունը կհրապարակվի նախապես: