ՌԴ ներքին գործերի նախարարության անձնական անվտանգության գլխավոր վարչության պատվիրակությունը՝ ՀՀ ոստիկանությունում (ՏԵՍԱՆՅՈՒԹ)
![ՌԴ ներքին գործերի նախարարության անձնական անվտանգության գլխավոր վարչության պատվիրակությունը՝ ՀՀ ոստիկանությունում (ՏԵՍԱՆՅՈՒԹ) ՌԴ ներքին գործերի նախարարության անձնական անվտանգության գլխավոր վարչության պատվիրակությունը՝ ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1479391932,3992.jpeg&q=75&w=780&wm=1)
Եռօրյա այցով Հայաստանում է Ռուսաստանի Դաշնության ներքին գործերի նախարարության անձնական անվտանգության գլխավոր վարչության պատվիրակությունը:
Հյուրերին ընդունեց ՀՀ ոստիկանության ներքին անվտանգության վարչության պետ Արմեն Հակոբյանը:
Ռուս գործընկերների հայաստանյան այցի նպատակը կոռուպցիայի դեմ պայքարի, ոստիկանության ծառայողների իրավախախտումների նախականխման, ինչպես եւ ոստիկանության ծառայողների եւ նրանց ընտանիքների անդամների պետական պաշտպանության միջոցների ապահովման շրջանակներում փորձի փոխանակումն էր:
Հանդիպման ընթացքում կողմերը քննարկեցին երկու երկրների վերոհիշյալ ծառայությունների գործունեությանը վերաբերող, ինչպես եւ փոխադարձ հետաքրքրություն ներկայացնող մի շարք հարցեր: Փաստեցին, որ նման հանդիպումները դրական են անդրադառնում ներքին անվտանգության ապահովման ոլորտում երկու երկրների իրավապահ կառույցների համագործակցության զարգացմանը, ինչն իր հերթին բարձրացնում է այդ ծառայությունների գործունեության արդյունավետությունը:
Հանդիպման ավարտին ռուս գործընկերները շնորհակալություն հայտնեցին ջերմ ընդունելության համար: