ՆԳՆ ոստիկանության ներքին անվտանգության վարչության ծառայողները բացահայտել են ոստիկանության պաշտոնատար անձանց կողմից կաշառք ստանալու առերևույթ հանցագործության դեպքեր

ՀՀ ՆԳՆ ոստիկանության ներքին անվտանգության վարչության և Հակակոռուպցիոն կոմիտեի ծառայողների օպերատիվ-հետախուզական միջոցառումների ու քննչական գործողությունների արդյունքում բացահայտվել են ՀՀ ոստիկանության պաշտոնատար անձանց կողմից կաշառք ստանալու առերևույթ հանցագործության դեպքեր։ Մասնավորապես՝ ճանապարհային ոստիկանության երեք տեսուչներ ճանապարհային երթևեկության կանոնների խախտումներ թույլ տված երկու տասնյակից ավելի վարորդների նկատմամբ վարչական իրավախախտման վերաբերյալ արձանագրություններ չկազմելու դիմաց նրանցից որպես կաշառք պահանջել և ստացել են տարբեր չափերի՝ 5000-20000 դրամ: Կազմված փաստաթղթերն ուղարկվել են Հակակոռուպցիոն կոմիտե։
Կատարվում է նախաքննություն: