«Facebook» սոցիալական ցանցում կատարված գրառման հետքերով

Քաղաքացի Անահիտ Մուտաֆյանը դեկտեմբերի 9-ին Facebook» սոցիալական ցանցի իր էջում գրառում էր կատարել, որ ինքը մեծ հարգանք է ունեցել ոստիկանության հանդեպ, սակայն ոստիկանության Արաբկիրի բաժնի համայնքային ոստիկանության բաժանմունքի տեսուչը իր պահվածքով և գործունեությամբ դրսևորել է ոստիկանության ծառայողին ոչ վայել վարքագիծ, ինչը հակակրանք է առաջացրել ոստիկանության ծառայողի նկատմամբ։
Ոստիկանության պետի հանձնարարությամբ նշանակվել է ծառայողական քննություն, որի արդյունքներով պարզվել է, որ ոստիկանության նշված ծառայողը Անահիտ Մուտաֆյանի նկատմամբ անհարգալից վերաբերմունք չի դրսևորել, ուստի ծառայողական քննության արդյունքները թողնվել են անհետևանք։