Նախկինում կատարված գողությունը բացահայտվել է

Սեպտեմբերի 13-ին ոստիկանության Մասիսի բաժնի ծառայողները, օպերատիվ տվյալներն իրացնելիս, Գեղանիստ գյուղի Կենտրոնական փողոցից գողություն կատարելու կասկածանքով բերման են ենթարկել հենց Գեղանիստում ապրող 30-ամյա մի երիտասարդի։ Վերջինս տվել է խոստովանական բացատրություն, որ ապրիլի 10-ին Արգավանդ գյուղի Կենտրոնական փողոցում գողացել է «Մերսեդես» մակնիշի ավտոմեքենայի նվագարկիչ, վահանակի ցուցիչ և փոխանցուման տուփի անջատման սկավառակ: Գողոնը հայտնաբերվել է։ Դեպքի առթիվ նախապատրաստվում են նյութեր: