Նախկինում կատարված և չբացահայտված հանցագործությունները՝ ուշադրության կենտրոնում (ՏԵՍԱՆՅՈՒԹ)
![Նախկինում կատարված և չբացահայտված հանցագործությունները՝ ուշադրության կենտրոնում (ՏԵՍԱՆՅՈՒԹ) Նախկինում կատարված և չբացահայտված հանցագործությունները՝ ուշադրության կենտրոնում (ՏԵՍԱՆՅՈՒԹ)](/timthumb?src=/resources/police/img/news/big/1441108501,0504.jpeg&q=75&w=780&wm=1)
Օգոստոսի 31-ին ոստիկանության Երևան քաղաքի վարչության պետ, ոստիկանության գեներալ-մայոր Աշոտ Կարապետյանն անցկացրեց խորհրդակցություն` նախկինում կատարված և չբացահայտված ծանր, առանձնապես ծանր հանցագործությունների բացահայտման ուղղությամբ ձեռնարկված միջոցառումների և կատարված աշխատանքների վերբերյալ:
Եղան առանձին դեպքերի վերլուծություններ: Աշոտ Կարապետյանը բաժնի պետերին ցուցումներ տվեց հատկապես ուշադրություն դարձնել բնակարանային գողությունների բացահայտման ուղղությամբ տարվող աշխատանքներին, ինչպես նաև ապօրինի կերպով պահվող զենք-զինամթերքի հայտնաբերմանը:
Խորհրդակցության ընթացքում տրվեցին հանձնարարականներ` ուժեղացնել համագործակցությունը քրեական հետախուզության և համայնքային ոստիկանության բաժանմունքների հետ, օպերատիվ իրավիճակին տիրապետելու համար ակտիվացնել շփումները բնակչության հետ, հետևել ծառայողական կարգապահությանը: