Մասնագիտական պարապմունք ոստիկանությունում (ՏԵՍԱՆՅՈՒԹ)
![Մասնագիտական պարապմունք ոստիկանությունում (ՏԵՍԱՆՅՈՒԹ) Մասնագիտական պարապմունք ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1455892752,8662.jpeg&q=75&w=780&wm=1)
Փետրվարի 19-ին ոստիկանությունում տեղի ունեցավ հերթական մասնագիտական պարապմունքը, որն անցկացրին ոստիկանության շտաբի պետը, կազմակերպված հանցավորության դեմ պայքարի եւ պետական պահպանության գլխավոր վարչությունների պետերը եւ ներքին անվտանգության վարչության պետը:
Մասնակցում էին ոստիկանության Երեւան քաղաքի եւ մարզային վարչությունների տարածքային բաժինների պետերը:
Օրակարգում տնտեսական գործունեության դեմ ուղղված հանցագործությունների եւ կոռուպցիոն հանցագործությունների դեմ պայքարի առանձնահատկությունների, պետական պահպանության գլխավոր վարչության ստորաբաժանումների կողմից օբյեկտների պահպանության կազմակերպման ու այդ աշխատանքներում ոստիկանության տարածքային ստորաբաժանումների հետ համագործակցության հարցերն էին:
Ոստիկանության ղեկավար կազմի ներկայացուցիչներն ու տարածքային բաժինների պետերը ներկայացրին քննարկվող հարցերին առնչվող խնդիրները, որոնց վերաբերյալ արվեցին կոնկրետ առաջարկություններ: