Օպերատիվ իրավիճակը հանրապետությունում` հունվարի 15-ից 16-ը /ՏԵՍԱՆՅՈՒԹ/

Ըստ ոստիկանության օպերատիվ հաղորդագրությունների ամփոփագրերի` հունվարի 15-ից 16-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 50 դեպք։
Մասնավորապես՝ ջրային կենդանիներ ապօրինի արդյունահանելու 11, խարդախության 7, ծեծի 5, մարմնական վնասվածք հասցնելու 3, անձնական ունեցվածքի գողության , սպանության սպառնալիքի, թմրամիջոցի հայտնաբերման և պաշտոնեական կեղծիքի կամ անփութության 2-ական, սպանության, անձի առևանգման, բնակարանային գողության, յուրացման կամ վատնման, ապօրինի ծառահատման, կաշառակերության, մարդու թրաֆիքինգի, սեքսուալ բնույթի բռնի գործողություններ կատարելու փորձի, անվտանգության պահանջներին չհամապատասխանող ապրանքներ թողարկելու կամ իրացնելու, աշխատանքներ կատարելու կամ ծառայություններ մատուցելու, փաստաթուղթ կեղծելու, առևտրային կամ այլ կազմակերպությունների ծառայողների կողմից լիազորությունները չարաշահելու,պատմության և մշակույթի հուշարձաններ ոչնչացնելու կամ վնասելու, խոշտանգման, հոգեմետ նյութերի հայտնաբերման, անառակաբարո գործողությունների և սուտ մատնության 1-ական դեպք:
Հայտնաբերվել է 4 հետախուզվող, կամավոր ներկայացել է 5-ը։
Նախկինում կատարված հանցագործություններից բացահայտվել է անձնական ունեցվածքի գողության 4,ահաբեկչության մասին սուտ հաղորդում տալու 2, բնակարանային գողության և մարմնական վնասվածք հասցնելու 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 12 պատահար, ինչի հետևանքով 18 մարդ ստացել է տարբեր աստիճանի մարմնական վնասվածքներ: