Օպերատիվ իրավիճակը հանրապետությունում ապրիլի 3-ից 6-ը

Բացահայտվել է 257 հանցագործություն, որոնցից 9-ը՝ նախկինում կատարված:

Մասնավորապես՝
57 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
26 դեպք՝ մարմնական վնասվածք պատճառելու,
25 դեպք՝ թմրանյութի հայտնաբերման,
23 դեպք՝ ֆիզիկական ներգործության,
17-ական դեպք՝ հոգեկան ներգործության, խարդախության,
11-ական դեպք՝ անձնական ունեցվածքի գողության, սառը զենքի հայտնաբերման,
6 դեպք՝ փաստաթղթի կեղծիքի,
4-ական դեպք՝ գույքը ոչնչացնելու կամ վնասելու խուլիգանության, զենք-զինամթերքի առգրավման,
3-ական դեպք՝ թմրանյութի իրացման, անհետաձգելի միջամտության որոշումը չկատարելու, աշխատանքի պաշտպանության կանոնները խախտելու,
2-ական դեպք՝ բնակարանային գողության, պաշտոնեական կեղծիքի կամ անփութության, ընդերքի պահպանման կամ օգտագործման պահանջները խախտելու, ինքիրավչության:

Բացահայտվել են ավազակության, շորթման, բուժաշխատողի կողմից մասնագիտական պարտականությունները չկատարելու, ծառերը-թփերը ապօրինի հատելու, ապօրինի ձեռնարկատիրական գործունեության, կենդանիների նկատմամբ դաժան վերաբերմունքի, խոշտանգման, իրացման նպատակով կեղծ ալկոհոլային խմիչքների և այլ արտադրանքի շրջանառության, վստահված գույքի հափշտակման, հարկերը տուրքերը կամ այլ վճարներ չվճարելու, սուտ մատնության, սուտ ցուցմունք տալու, բնակարանի անձեռնմխելիությունը խախտելու և այլ դեպքեր։

Նախկինում կատարված հանցագործություններից բացահայտվել է՝

8 դեպք՝ անձնական ունեցվածքի գողության,
1 դեպք՝ վրաերթի։

Հայտնաբերվել է 20 հետախուզվող, կամավոր ներկայացել է 1-ը։
Հայտնաբերվել է 1 անհետ կորած։

Գրանցվել է զենք-զինամթերք կամավոր հանձնելու 2 դեպք։

ՃՏՊ վիճակագրություն
Անցած 3 օրում գրանցվել է 37 ավտովթար․ 1 մարդ զոհվել է, 65-ը՝ ստացել տարբեր աստիճանի մարմնական վնասվածքներ։