Օպերատիվ իրավիճակը հանրապետությունում մարտի 4-ից 5-ը

Բացահայտվել է 153 հանցագործություն, որոնցից 6-ը՝ նախկինում կատարված:

Մասնավորապես՝
49 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
19 դեպք՝ թմրանյութի հայտնաբերման,
20 դեպք՝ փաստաթուղթ կեղծելու,
9 դեպք՝ անձնական ունեցվածքի գողության,
7 դեպք՝ խարդախության,
6 դեպք՝ մարմնական վնասվածք պատճառելու,
4-ական դեպք՝ ֆիզիկական ներգործության, հոգեկան ներգործության, սառը զենքի հայտնաբերման,
3-ական դեպք՝ զենք-զինամթերքի առգրավման, ապօրինի որսի,
2-ական դեպք՝ բնակարանային գողության, ապօրինի ձեռնարկատիրական գործունեության, թմրանյութի իրացման:

Բացահայտվել է խուլիգանության, պաշտոնատար անձի ծառայողական գործունեությանը միջամտելու, գրավառուին վնաս պատճառելու, ինքնիրավչության, անձի տիրապետությունից դուրս եկած գույքին տիրանալու, դեպքեր։

Նախկինում կատարված հանցագործություններից բացահայտվել է՝
4 դեպք՝ անձնական ունեցվածքի գողության,
1-ական դեպք՝ պետական ունեցվածքի գողության, գույքը ոչնչացնելու կամ վնասելու։

Հայտնաբերվել է 6 հետախուզվող, կամավոր ներկայացել՝ 2-ը։
Գրանցվել է զենք-զինամթերք կամավոր հանձնելու 1 դեպք։

ՃՏՊ վիճակագրություն
Անցած 1 օրում գրանցվել է 13 ավտովթար․ 17 մարդ ստացել է տարբեր աստիճանի մարմնական վնասվածքներ։