Օպերատիվ իրավիճակը հանրապետությունում փետրվարի 10-ից 11-ը
Բացահայտվել է 120 հանցագործություն, որոնցից 7-ը՝ նախկինում կատարված:
Մասնավորապես՝
43 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
9-ական դեպք՝ մարմնական վնասվածք պատճառելու, ֆիզիկական ներգործության,
7-ական դեպք՝ խարդախության, թմրանյութի հայտնաբերման,
5-ական դեպք՝ հոգեկան ներգործության, անձնական ունեցվածքի գողության,
3 դեպք՝ ապօրինի ձեռնարկատիրական գործունեության,
2-ական դեպք՝ բնակարանային գողության, կավատության, զենք-զինամթերքի առգրավման, թմրանյութի իրացման, քրեական ենթամշակույթ կրող խմբավորմանը մասնակցելու, սառը զենքի հայտնաբերման։
Բացահայտվել է կողոպուտի, գույքը ոչնչացնելու կամ վնասելու, կաշառք տալու, ստանալու, միջնորդության, քրեական ենթամշակույթ կրող անձին դիմելու, փաստաթղթի կեղծիքի, քրեական վարույթի տվյալներ հրապարակելու, պարտապանի կողմից հայտարարագիր ներկայացնելուց խուսափելու, գրավառուին վնաս պատճառելու, ընդերքի պահպանման կամ օգտագործման պահանջներ խախտելու, ինքնասպանության հասցնելու և այլ դեպքեր։
Նախկինում կատարված հանցագործություններից բացահայտվել է՝
2 դեպք՝ անձնական ունեցվածքի գողության,
1-ական դեպք՝ պետական ունեցվածքի գողության, բնակարանային գողության, գույքը ոչնչացնելու կամ վնասելու, խարդախության, այլ հանցագործության։
Հայտնաբերվել է 9 հետախուզվող, կամավոր ներկայացել՝ 2-ը։
Հայտնաբերվել է 1 անհետ կորած։
Գրանցվել է զենք-զինամթերք կամավոր հանձնելու 6 դեպք։
ՃՏՊ վիճակագրություն
Անցած 1 օրում գրանցվել է 18 ավտովթար․ 4 մարդ զոհվել է, 28-ը՝ ստացել տարբեր աստիճանի մարմնական վնասվածքներ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
