Օպերատիվ իրավիճակը հանրապետությունում մարտի 11-ից 12-ը

Ըստ ոստիկանության օպերատիվ հաղորդագրությունների ամփոփագրերի` մարտի 11-ից 12-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 80 դեպք, որից 15-ը՝ նախկինում կատարված։
Մասնավորապես՝ անձնական ունեցվածքի գողության՝ 22, խարդախության՝ 9, մարմնական վնասվածք հասցնելու և ծեծի՝ 5-ական, զենք-զինամթերքի առգրավման՝ 4, խուլիգանության՝ 3, յուրացման կամ վատնման, թմրամիջոցի հայտնաբերման, հանրային ծառայող չհանդիսացող անձի կողմից ապօրինի վարձատրություն ստանալու ու երեխայի առք և վաճառքի՝ 2-ական, շորթման, գույքի դիտավորությամբ վնասման, հարկերից խուսափելու, պաշտոնեական լիազորությունների չարաշահման, իշխանության ներկայացուցչի նկատմամբ բռնության, անձնական գաղտնիք պարունակող տեղեկություն տարածելու, թմրանյութի իրացման, սպառնալիքի ու բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու 1-ական դեպք։
Հայտնաբերվել է 4 հետախուզվող, կամավոր ներկայացել՝ 4-ը։
Գրանցվել է զենք-զինամթերքի կամավոր հանձնման 4 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 13, և բնակարանային գողության 2 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար, ինչի հետևանքով 13 մարդ ստացել է տարբեր աստիճանի մարմնական վնասվածքներ: