Օպերատիվ իրավիճակը հանրապետությունում մարտի 11-ից 12-ը

Բացահայտվել է 152 հանցագործություն, որոնցից 6-ը՝ նախկինում կատարված։

Մասնավորապես՝
52 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
16 դեպք՝ թմրանյութի հայտնաբերման,
7-ական դեպք՝ անձնական ունեցվածքի գողության, խարդախության, փաստաթղթեր կեղծելու,
6-ական դեպք՝ հոգեկան ներգործության, սառը զենք կրելու,
5-ական դեպք՝ ֆիզիկական ներգործության, մարմնական վնասվածք պատճառելու,
3-ական դեպք՝ բնակարանային գողության, ապօրինի ձեռնարկատիրական գործունեության,
2-ական դեպք՝ խոշտանգման, վստահված գույքի հափշտակման, գույքը ոչնչացնելու, կամ վնասելու, խուլիգանության, զենք-զինամթերքի առգրավման։

Բացահայտվել են նաև թմրանյութի իրացման, ծառերը, թփերը ապօրինի հատելու, անձնական կամ ընտանեկան կյանքի գաղտնիությունը խախտելու, սպանության նախապատրաստման, հրազենի նույնականացման տարրերը կեղծելու կամ ջնջելու, բնակարանի անձեռնմխելիությունը խախտելու, մասնավոր ոլորտում ծառայողական լիազորությունները չարաշահելու, ընդերքի պահպանման կամ օգտագործման պահանջները խախտելու, ինքնակամ շենքերի, շինությունների կառուցումը չդադարեցնելու և անօրինական կառույցները չքանդելու, ինքնիրավչության, ալիմենտ վճարելուց խուսափելու, անհետաձգելի միջամտության որոշումը կամ պաշտպանական որոշումը չկատարելու, ապացույցներ, բացատրություններ կամ դատավարական փաստաթղթեր թաքցնելու, գույքային վնաս պատճառելու և այլ դեպքեր։

Նախկինում կատարված հանցագործություններից բացահայտվել է՝
4 դեպք՝ անձնական ունեցվածքի գողության,
2 դեպք՝ բնակարանային գողության։

Հայտնաբերվել է 14 հետախուզվող, կամավոր ներկայացել է 1-ը։

Գրանցվել է զենք-զինամթերք կամավոր հանձնելու 2 դեպք։

ՃՏՊ վիճակագրություն
Անցած 1 օրում գրանցվել է 10 ավտովթար․ 13 մարդ ստացել է տարբեր աստիճանի մարմնական վնասվածքներ։