Օպերատիվ իրավիճակը հանրապետությունում օգոստոսի 12-ից 13-ը

Բացահայտվել է 153 հանցագործություն, որոնցից 6-ը՝ նախկինում կատարված:
Մասնավորապես՝
☑️45 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
☑️16 դեպք՝ ֆիզիկական ներգործության,
☑️14 դեպք՝ մարմնական վնասվածք պատճառելու,
☑️12-ական դեպք՝ թմրանյութի հայտնաբերման, հոգեկան ներգործության,
☑️9 դեպք՝ խարդախության,
☑️4-ական դեպք՝ անձնական ունեցվածքի գողության, զենք-զինամթերքի առգրավման, թմրամիջոցներ պարունակող բույսեր աճեցնելու կամ ցանելու,
☑️3-ական դեպք՝ ապօրինի ձեռնարկատիրական գործունեության, գույքը ոչնչացնելու կամ վնասելու, պաշտոնեական լիազորությունների չարաշահման, անհետաձգելի միջամտության որոշումը չկատարելու,
☑️2-ական դեպք՝ սառը զենքի հայտնաբերման, ինքնիրավչության, ծառերը, թփերը ապօրինի հատելու։
☑️Բացահայտվել են նաև շորթման, խուլիգանության, պաշտոնեական կեղծիքի կամ անփութության, պետական սահմանն ապօրինի հատելու, սուտ ցուցմունք տալու, հետամտելու, փաստաթուղթ կեղծելու, բուժաշխատողի կողմից մասնագիտական պարտավորությունները չկատարելու և այլ դեպքեր։

Նախկինում կատարված հանցագործություններից բացահայտվել են անձնական ունեցվածքի գողության և ավազակության դեպքեր։
Հայտնաբերվել է 5 հետախուզվող, կամավոր ներկայացել՝ 1-ը։
Հայտնաբերվել է 1 անհետ կորած։
Գրանցվել է ապօրինի զենք-զինամթերք կամավոր հանձնելու 2 դեպք։

ՃՏՊ վիճակագրություն
Անցած 1 օրում գրանցվել է 19 ավտովթար․ 2 մարդ զոհվել է, 29-ը՝ ստացել տարբեր աստիճանի մարմնական վնասվածքներ։