Օպերատիվ իրավիճակը հանրապետությունում նոյեմբերի 14-ից 15-ը

Ըստ ոստիկանության օպերատիվ հաղորդագրությունների ամփոփագրերի՝ նոյեմբերի 14-ից 15-ը ՆԳՆ ոստիկանության ստորաբաժանումները բացահայտել են հանցագործության 153 դեպք, որոնցից 12-ը՝ նախկինում կատարված:
Այդ թվում՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու`57, թմրանյութի հայտնաբերման՝ 17, խարդախության՝ 7, մարմնական վնասվածք պատճառելու, հոգեկան ներգործության ու անձնական ունեցվածքի գողության՝ 5–ական, ֆիզիկական ներգործության, սահմանն ապօրինի հատելու և անհետաձգելի միջամտության որոշումը խախտելու՝ 3-ական, բնակարանային գողության, վստահված գույքի հափշտակման, ապօրինի ձեռնարկատիրական գործունեության, դրամանենգության, պաշտոնեական լիազորությունների չարաշահման, պաշտոնեական կեղծիքի կամ անփութության, պաշտոնատար անձի ծառայողական գործունեությանը միջամտելու, փաստաթղթի կեղծիքի, երեխայի կյանքի անվտանգության ապահովման կամ առողջության պահպանման պարտականությունը չկատարելը կամ ոչ պատշաճ կատարելու, շինարարական, լեռնահանքային կամ աշխատանքների կատարման ընթացքում աշխատանքի պաշտպանության կամ անվտանգության ապահովման կանոնները կամ պահանջները խախտելու և սառը զենքի հայտնաբերման՝ 2–ական, մարդու առևանգման, կողոպուտի, շորթման, համակարգչային հափշտակության, գույքը ոչնչացնելու կամ վնասելու, խուլիգանության, զենք–զինամթերքի առգրավման, թմրանյութի իրացման, զինծառայողի ծառայությունից խուսափելու, հարկեր վճարելուց խուսափելու և սեքսուալ բնույթի գործողություններին հարկադրելու՝ 1–ական դեպք։
Նախկինում կատարված հանցագործություններից բացահայտվել է խարդախության՝ 9, անձնական ունեցվածքի գողության, բնակարանային գողության և վրաերթի՝ 1-ական դեպք։
Հայտնաբերվել է 14 հետախուզվող, կամավոր ներկայացել՝ 1-ը։
Գրանցվել է զենք-զինամթերքի կամավոր հանձնման 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 18 պատահար. 1 մարդ զոհվել է, 21-ը՝ ստացել տարբեր աստիճանի մարմնական վնասվածքներ։