Օպերատիվ իրավիճակը հանրապետությունում հունվարի 20-ից 21-ը

Ըստ ոստիկանության օպերատիվ հաղորդագրությունների ամփոփագրերի՝ հունվարի 20-ից 21-ը ՆԳՆ ոստիկանության ստորաբաժանումները բացահայտել են հանցագործության 135 դեպք, որոնցից 4-ը՝ նախկինում կատարված:
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 40, թմրանյութի հայտնաբերման՝ 22, մարմնական վնասվածք պատճառելու ու խարդախության` 8-ական, անձնական ունեցվածքի գողության՝ 7, ֆիզիկական ներգործության` 6, թմրանյութի իրացման և ծառերը, թփերը ապօրինի հատելու՝ 3-ական, հոգեկան ներգործության, մարդու առևանգման, պետական ունեցվածքի գողության, շորթման, ապօրինի ձեռնարկատիրական գործունեության, համակարգչային հափշտակության, գույքը ոչնչացնելու կամ վնասելու, խուլիգանության, պաշտոնեական լիազորությունների չարաշահման և ինքնիրավչության՝ 2-ական, բնակարանային գողության, վստահված գույքի հափշտակման, պետական սահմանն ապօրինի հատելու, հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության, բնակարանի անձեռնմխելիության խախտման, խտրականության, անհետաձգելի միջամտության որոշումը չկատարելու, սառը զենքի հայտնաբերման, դատավարության մասնակիցների լիազորությունների իրականացմանը խոչընդոտելու, աշխատանքի պաշտպանության կանոնները խախտելու, 16 տարին չլրացած անձի նկատմամբ սեքսուալ բնույթի գործողություններ կատարելու, ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու, ընդերքի պահպանման կամ օգտագործման պահանջները խախտելու ու անձնական կամ ընտանեկան կյանքի գաղտնիությունը խախտելու՝ 1-ական դեպք։

Նախկինում կատարված հանցագործություններից բացահայտվել է խարդախության՝ 2, մարմնական վնասվածք պատճառելու և շորթման՝ 1-ական դեպք։

Հայտնաբերվել է 9 հետախուզվող, կամավոր ներակայացել՝ 5-ը։
Գրանցվել է զենք-զինամթերքի կամավոր հանձնման 6 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 18 պատահար․ 1 մարդ զոհվել է․ 23-ը` ստացել տարբեր աստիճանի մարմնական վնասվածքներ։