Երեք երիտասարդ թալանել են մի ընկերության պահեստարան․ Արմավիրի ոստիկանների բացահայտումը

Նոյեմբերի 30-ին ոստիկանության Արմավիրի բաժնում մի քաղաքացի հաղորդում էր ներկայացրել, որ իր ՍՊԸ-ի պահեստարանից գողացել են նոթբուք և շինարարական տարբեր գործիքներ։
Ոստիկանության ծառայողները ձեռնարկեցին միջոցառումներ՝ հանցագործությունը կարճ ժամանակում բացահայտելու ուղղությամբ։ Նույն օրը, գողությունը կատարելու կասկածանքով, ոստիկանություն բերման ենթարկվեցին 20 և 21 տարեկան 3 երիտասարդ։
Նրանք խոստովանել են կատարածը։
Գողոնը հայտնաբերվել է։
Կատարվում է քննություն։