Մայրաքաղաքի պարեկները ապօրինի թմրաշրջանառության դեպք են բացահայտել

Դեկտեմբերի 13-ին մայրաքաղաքի պարեկները ապօրինի թմրանյութ ձեռք բերելու, պահելու, օգտագործելու և իրացնելու կասկածանքով ձերբակալել և Քրեական ոստիկանության Երևան քաղաքի վարչություն են տեղափոխել 30-ամյա մի երիտասարդի։ Անձնական խուզարկությամբ նրա մոտ հայտնաբերվել է թմրանյութի նմանվող զանգվածով 45 փաթեթ։
Երիտասարդը հայտնել է, որ հայտնաբերվածը մարիխուանա է։
Հանգամանքները պարզվում են։