Պարեկային ծառայությունում աշխատանքի անցնելու համար քաղաքացիները դիմումներ են ներկայացրել

Նոր ստեղծվելիք պարեկային ծառայությունում աշխատել ցանկացող քաղաքացիները հուլիսի 7-ից կարող են պահանջվող փաստաթղթերը հանձնել ոստիկանության կրթահամալիր։ Այնուհետև դիմորդներին տրվում են առողջության ստուգման ուղեգրեր, իսկ այդ փուլն անցնելուց հետո անցկացվելու են քննություններ։
Ընդունելություն-մրցույթի համար սահմանված 770 տեղից 230-ը իգական սեռի դիմորդների համար է նախատեսված։
Նոր պարեկային ծառայությունում պաշտոնի նշանակվելու նպատակով ոստիկանության կրթահամալիրում ուսուցման համար միասնական ընդունելություն-մրցույթի համար դիմումներն ընդունվում են մինչև օգոստոսի 7-ը։