Ճանապարհատրանսպորտային պատահարներ Հայաստանում

Մարտի 5-ին, ժամը 19.30-ին, «Օպել» մակնիշի մեքենայի վարորդը Երևանի Սասնա Ծռերի փողոցում վրաերթի է ենթարկել 16-ամյա աղջկա, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մարտի 5-ին, ժամը 00.05-ին, Երևանի Խաղաղ Դոնի փողոցում կայանված «ԲՄՎ» մակնիշի մեքենան ինքնաբերաբար առաջ ընթանալով՝ վրաերթի է ենթարկել վարորդին, այնուհետև բախվել է կայանված «Հոնդա» մակնիշի մեքենայի. «ԲՄՎ-ի» վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մարտի 5-ին, ժամը 00.20-ին, Երևանի Հր. Քոչարի և Փափազյան փողոցների խաչմերուկում իրար են բախվել «Մազդա» և «Մերսեդես» մակնիշի մեքենաներ. «Մազդայի» ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մարտի 5-ին, ժամը 00.20-ին, Կոմիտասի պողոտայի, Կասյան, Կիևյան և Հր. Քոչարի փողոցների խաչմերուկում իրար են բախվել «Տոյոտա» և «Օպել» մակնիշի մեքենաներ. վարորդները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մարտի 5-ին, ժամը 19.30-ին, հիվանդանոց բուժօգնության դիմած 16-ամյա տղան հայտնել է, որ մարմնական վնասվածքները ստացել է փետրվարի 18-ին Երևանի Դավիթ Անհաղթի փողոցում անհայտ մակնիշի մեքենաների վթարի հետևանքով:
Կատարվում է քննություն:

***
Մարտի 5-ին, ժամը 11.20-ի սահմաններում, Արարատի մարզի Դիմիտրով գյուղում իրար են բախվել «Ֆորդ Ֆոկուս» և «Նիսան Տիդա» մակնիշի մեքենաներ. «Նիսան Տիդայի» վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մարտի 5-ին, ժամը 12.30-ի սահմաններում, Կոտայքի մարզի Առինջ-Ձորաղբյուր գյուղամիջյան ճանապարհին իրար են բախվել «Մերսեդես» և «ՎԱԶ-2107» մակնիշի մեքենաներ. «Մերսեդեսի» երեք ուղևորները և «ՎԱԶ-2107»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Մարտի 5-ին, ժամը 22.50-ին սահմաններում, Գյումրի քաղաքի Պուշկինի փողոցում իրար են բախվել «Նիսան» և երկու «Մերսեդես» մակնիշի մեքենաներ. «Նիսանի» երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մարտի 5-ին, ժամը 23.36-ին, «ՎԱԶ-2110» մակնիշի մեքենան Երևան-Գյումրի ճանապարհի 116-րդ կմ-ին դուրս է եկել երթևեկելի գոտուց և կողաշրջվել. 18-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն: