Ճանապարհատրանսպորտային պատահարներ Հայաստանում

Նոյեմբերի 18-ին, ժամը 10.00-ին, Երևանի Արմենակյան փողոցում «Կիա» մակնիշի ավտոմեքենայի վարորդը վրաերթի է ենթարկել 82-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***
Նոյեմբերի 18-ին, ժամը 17.00-ին, հիվանդանոցից հաղորդում է ստացվել, որ բուժօգնության դիմած 52-ամյա քաղաքացին հայտնել է, որ վնասվածքները ստացել է նոյեմբերի 9-ին Երևանի Ագաթանգեղոսի փողոցում տեղի ունեցած վթարի հետևանքով:
Կատարվում է քննություն։

***
Նոյեմբերի 18-ին, ժամը 17.40-ին, հիվանդանոցից հաղորդում է ստացվել, որ բուժօգնության դիմած 26-ամյա քաղաքացին հայտնել է, որ վնասվածքները ստացել է ժամը 14.00-ին Երևանի Վարդանանց փողոցում «Մազդա» մակնիշի ավտոմեքենայի վարորդի կողմից վրաերթի ենթարկվելու հետևանքով:
Ձեռնարկված միջոցառումների շնորհիվ ոստիկանության պարեկային ծառայություն է ներկայացել 25-ամյա քաղաքացի և հայտնել, որ իր «Մազդա» մակնիշի ավտոմեքենայով հետընթաց կատարելիս ինքն է վրաերթի ենթարկել քաղաքացուն:
Կատարվում է քննություն։

***
Նոյեմբերի 18-ին, ժամը 00.20-ին, հիվանդանոց բուժօգնության դիմած 24-ամյա քաղաքացին հայտնել է, որ մարմնական վնասվածքները ստացել է նույն օրը Երևանի Բաղրամյան պողոտայում անհայտ ավտոմեքենաների վթարի հետևանքով:
Կատարվում է քննություն։

***
Նոյեմբերի 18-ին, ժամը 10.20-ին, 57-ամյա քաղաքացին հաղորդում է տվել, որ նոյեմբերի 1-ին, ժամը 19.00-ից ժամը 22.00-ն ընկած ժամանակահատվածում, Աշտարակ քաղաքի Ն. Աշտարակեցու հրապարակում անհայտ մակնիշի ավտոմեքենան հարվածել է իրեն՝ պատճառելով ֆիզիկական ցավ և հեռացել:
Կատարվում է քննություն։

***
Նոյեմբերի 18-ին, ժամը 19.20-ի սահմաններում, Էջմիածին քաղաքի Մարգարայի խճուղում իրար են բախվել «ՎԱԶ-2107» և «ՎԱԶ-2114» մակնիշի ավտոմեքենաներ. վարորդները և 14-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***
Նոյեմբերի 18-ին, ժամը 09.00-ի սահմաններում, Հրազդան քաղաքի Զորավար Անդրանիկի փողոցում իրար են բախվել «Ֆորդ Տրանզիտ» և «ՎԱԶ-2121» մակնիշի ավտոմեքենաներ. «ՎԱԶ-2121»-ի 22-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***
Նոյեմբերի 18-ին, ժամը 13.30-ի սահմաններում, Կոտայքի մարզի Առինջ գյուղում «Մերսեդես» մակնիշի ավտոմեքենայի վարորդը վրաերթի է ենթարկել 3-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն։

***
Նոյեմբերի 18-ին, ժամը 23.15-ի սահմաններում, Կոտայքի մարզի Գառնի գյուղում «ԲՄՎ» մակնիշի ավտոմեքենան դուրս է եկել երթևեկելի հատվածից և բախվել արգելապատնեշին. 25-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Նոյեմբերի 18-ին, ժամը 17.03-ին, Գյումրի քաղաքի Սայաթ-Նովայի փողոցում «ՎԱԶ-21074» մակնիշի ավտոմեքենայի վարորդը վրաերթի է ենթարկել՝ 45-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։