Ճանապարհատրանսպորտային պատահարներ Հայաստանում

ԼՐԱՑՎԱԾ․ 07.09.21թ․

Օգոստոսի 26-ին, ժամը 20.30-ի սահմաններում, Աբովյան քաղաքի Արզնու խճուղում «ՎԱԶ -21013» մակնիշի ավտոմեքենայի վարորդը վրաերթի է ենթարկել 80-ամյա քաղաքացու, որը մարմնական վնասվածքներով տեղափոխվել է հիվանդանոց, իսկ «ՎԱԶ-21013»-ի 52-ամյա վարորդը դեպքի վայրից դիմել է փախուստի:
Ձեռնարկված միջոցառումների շնորհիվ մեքենայի վարորդը հայտնաբերվել է:
Կատարվում է քննություն։

***

Օգոստոսի 26-ին, ժամը 08.10-ին, հիվանդանոց բուժօգնության դիմած 11-ամյա տղան հայտնել է, որ վնասվածքները ստացել է Երևանի Հյուսիսային պողոտայում անհայտ վարորդի վարած «ԲՄՎ»-ով վրաերթի ենթարկվելու հետևանքով:
Ձեռնարկվում են միջոցառումներ՝ մեքենայի վարորդի անձը պարզելու և մեքենան հայտնաբերելու ուղղությամբ:
Կատարվում է քննություն։

***
Օգոստոսի 26-ին, ժամը 12.30-ի սահմաններում, Էջմիածին-Մարգարա ճանապարհին իրար են բախվել «Հոնդա» և «Օպել» մակնիշի ավտոմեքենաներ. «Օպելի» 20-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***
Օգոստոսի 26-ին, ժամը 17.20-ի սահմաններում, Վանաձորի Զորավար Անդրանիկի փողոցում «Նիսան Իքստերա» մակնիշի ավտոմեքենան դուրս է եկել հանդիպակաց գոտի և բախվել կայանված «Տոյոտա Քեմրի» մակնիշի ավտոմեքենայի. «Նիսան Իքստերայի» 51-ամյա ուղևորուհին մարմնական վնասվածքներով տեղափոխվել է հիվանդանոց:
Ժամը 22.10-ին հիվանդանոցից հաղորդում է ստացվել, որ մարմնական վնասվածքներով բուժօգնության դիմած 34-ամյա քաղաքացին հայտնել է, որ վնասվածքները ստացել է նույն վթարի հետևանքով:
Կատարվում է քննություն։

***

Օգոստոսի 26-ին, ժամը 17.00-ի սահմաններում, Եղվարդ-Զովունի ճանապարհին իրար են բախվել «Մերսեդես» և «ԲՄՎ» մակնիշի ավտոմեքենաներ. «ԲՄՎի» չորս ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Օգոստոսի 26-ին, ժամը 10.30-ի սահմաններում, Երևան-Մեղրի ճանապարհի 113-րդ կմ-ին իրար են բախվել «ՎԱԶ-2106» և շտապօգնության ավտոմեքենաներ. շտապօգնության մեքենայի երկու ուղևորները և «ՎԱԶ 2106»-ի 41-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***
Օգոստոսի 26-ին, ժամը 01.30-ին, Տավուշի մարզի Այգեպար գյուղի վարչական տարածքում «ՈՒԱԶ-469» մեքենան դուրս է եկել երթևեկելի գոտուց և գլխիվայր հայտնվել ձորում. 21-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։