Ճանապարհատրանսպորտային պատահարներ Հայաստանում

ԼՐԱՑՎԱԾ․ 30․03․21թ․

Մարտի 24-ին, ժամը 21.45-ին, Երևանի Կասյան փողոցում անհայտ ավտոմեքենայի վարորդը վրաերթի է ենթարկել 37-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 24-ին, ժամը 13.00-ին, Երևանի Հալաբյան և Արզումանյան փողոցների խաչմերուկում իրար են բախվել «Միցուբիշի» և «Դեու» մակնիշի ավտոմեքենաներ. «Դեուի» 32-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***
Մարտի 23-ին, ժամը 19.40-ին, հիվանդանոցից հաղորդում է ստացվել, որ բուժօգնության դիմած 31-ամյա քաղաքացին հայտնել է, որ մարմնական վնասվածքները ստացել է Երևանի Ա. Խաչատրյան փողոցում «Տոյոտա» և «Հոնդա» մակնիշի ավտոմեքենաների բախման հետևանքով: 31-ամյա քաղաքացին «Տոյոտայի» վարորդն է։
Կատարվում է քննություն։

***

Մարտի 24-ին, ժամը 09.00-ին, Երևանյան և Մարտի 8-ի փողոցների խաչմերուկում «Մերսեդես» մակնիշի ավտոմեքենայի վարորդը վրաերթի է ենթարկել 53-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***
Մարտի 24-ին, ժամը 09.35-ի սահմաններում, Արագյուղ-Բուժական ճանապարհին «ԲՄՎ» մակնիշի ավտոմեքենան դուրս է եկել երթևեկելի մասից և կողաշրջվել. վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։