Ճանապարհատրանսպորտային պատահարներ հանրապետությունում
![Ճանապարհատրանսպորտային պատահարներ հանրապետությունում Ճանապարհատրանսպորտային պատահարներ հանրապետությունում](/timthumb?src=/resources/police/img/news/big/1587018210-6507.jpeg&q=75&w=780&wm=1)
Ապրիլի 16-ին, ժամը 00.30-ի սահմաններում, Գեղարքունիքի մարզի Փոքր Մասրիկ գյուղում «ՎԱԶ-21214» մակնիշի ավտոմեքենան դուրս է եկել երթևեկելի գոտուց և բախվել բետոնե արգելապատնեշին. 23-ամյա վարորդը և հինգ ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։
***
Ապրիլի 15-ին, ժամը 12.50-ին, հիվանդանոցից հաղորդում է ստացվել, որ բուժօգնության է դիմել 73-ամյա քաղաքացի ու հայտնել, որ վթարի է ենթարկվել:
Պարզվել է, որ ապրիլի 14-ին, ժամը 18.45-ի սահմաններում, Երևան-Սևան ճանապարհին իրար են բախվել «ԳԱԶ-3110» և «Օպել» մակնիշի ավտոմեքենաներ. տուժող քաղաքացին «ԳԱԶ-3110-ի» վարորդն է եղել:
Կատարվում է քննություն։
***
Ապրիլի 15-ին, ժամը 16.00-ի սահմաններում, «ՎԱԶ-2121» մակնիշի ավտոմեքենան Տավուշի մարզի Խաշթառակ գյուղում դուրս է եկել երթևեկելի գոտուց և կողաշրջվել. 80-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: