Ճանապարհատրանսպորտային պատահարներ հանրապետությունում

Մարտի 19-ին, ժամը 20.35-ին, հիվանդանոցից հաղորդում է ստացվել, որ մարմնական վնասվածքներով բուժօգնության է դիմել 65-ամյա քաղաքացի և հայտնել, որ Երևանի Սիլիկյան թաղամասում (օրը և ժամը պարզվում է) անհայտ ավտոմեքենայի վարորդի կողմից վրաերթի է ենթարկվել:
Կատարվում է քննություն։

***
Մարտի 19-ին, ժամը 23.00-ին, Երևանի Սասունցի Դավթի փողոցում «Կիա» մակնիշի մեքենայի վարորդը վրաերթի է ենթարկել 39-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***
Մարտի 19-ին, ժամը 22.10-ի սահմաններում, Մասիս-Մարմարաշեն ճանապարհին իրար են բախվել «Ֆոլքսվագեն Տուարեգ», «Օպել Զաֆիրա» և «ՎԱԶ-21061» մակնիշի ավտոմեքենաներ. «Օպել Զաֆիրայի» 23-ամյա վարորդը, «ՎԱԶ-21061-ի» 36-ամյա վարորդը և 13-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***
Մարտի 20-ին, ժամը 00.40-ի սահմաններում, Աբովյան-Բալահովիտ ճանապարհին անհայտ ավտոմեքենայի վարորդը վրաերթի է ենթարկել 34-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։