Ճանապարհատրանսպորտային պատահարներ հանրապետությունում
![Ճանապարհատրանսպորտային պատահարներ հանրապետությունում Ճանապարհատրանսպորտային պատահարներ հանրապետությունում](/timthumb?src=/resources/police/img/news/big/1587627670-3509.jpeg&q=75&w=780&wm=1)
Ապրիլի 21-ին, ժամը 21.20-ին, Երևանի Հալաբյան փողոցում իրար են բախվել «Օպել», «Նիսան» և «ՎԱԶ-2105» մակնիշի ավտոմեքենաներ. «ՎԱԶ-2105-ի» չորս ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։
***
Ապրիլի 22-ին, ժամը 00.30-ի սահմաններում, Արարատի մարզի Մրգավետ գյուղում իրար են բախվել «ՎԱԶ-2106» և «ՎԱԶ-2107» մակնիշի ավտոմեքենաներ, այնուհետև վթարված մեքենաներին բախվել է «ՎԱԶ- 21144» մակնիշի ավտոմեքենա. «ՎԱԶ-2107-ի» 44-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։
***
Ապրիլի 22-ին, ժամը 18.00-ի սահմաններում, Մեղրի-Երևան ճանապարհի 300-րդ կմ-ին՝ Տիգրանաշենի ոլորաններում, «ԲՄՎ-318» մակնիշի ավտոմեքենան դուրս է եկել երթևեկելի գոտուց և ընկել ձորը. 34-ամյա վարորդին շտապօգնության աշխատակիցների կողմից տեղում բուժօգնություն է ցուցաբերվել, իսկ 33-ամյա ուղևորը մարմնական վնասվածքներով տեղափոխվել է հիվանդանոց։
Կատարվում է քննություն։
***
Ապրիլի 22-ին, ժամը 17.20-ի սահմաններում, Արարատի մարզի Հովտաշատ գյուղում իրար են բախվել «ԲՄՎ» և «Օպել» մակնիշի ավտոմեքենաներ. «ԲՄՎ-ի» 35-ամյա ուղևորուհին և «Օպելի» 22-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։
***
Ապրիլի 22-ին, ժամը 20.30-ի սահմաններում, Արմավիրի մարզի Թումանյան և Սայաթ-Նովայի փողոցների խաչմերուկում իրար են բախվել «Աուդի» և «ՎԱԶ-2106» մակնիշի ավտոմեքենաներ. «ՎԱԶ-2106-ի» երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։
***
Ապրիլի 22-ին, ժամը 08.00-ի սահմաններում, Վանաձորի Թումանյան փողոցում իրար են բախվել «Օպել Աստրա» և «Օպել Զաֆիրա» մակնիշի ավտոմեքենաներ. «Օպել Զաֆիրայի» երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։
***
Ապրիլի 22-ին, ժամը 21.00-ի սահմաններում, Եղվարդ-Երևան ճանապարհի 12-րդ կմ-ին «Օպել» մակնիշի ավտոմեքենայի վարորդը վրաերթի է ենթարկել Զովունի-Դավիթաշեն անշարժ հենակետում ծառայություն իրականացնողին, որը մարմնական վնասվածքներով տեղափոխվել է հիվանդանոց:
Կատարվում է քննություն։
***
Ապրիլի 22-ին, ժամը 14.15-ի սահմաններում, Գյումրի-Արմավիր ճանապարհի 49-րդ կմ-ին «Օպել» մակնիշի ավտոմեքենան դուրս է եկել երթևեկելի մասից և կողաշրջվել. 23-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: