Ճանապարհատրանսպորտային պատահարներ հանրապետությունում

Մայիսի 25-ին, ժամը 23.10-ին, Երևանի Շիրազի փողոցում «ԲՄՎ» մակնիշի ավտոմեքենայի վարորդը վրաերթի է ենթարկել 67-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***
Մայիսի 26-ին, ժամը19.45-ին, Երևանի Կիևյան փողոցում իրար են բախվել «Տոյոտա» մակնիշի ավտոմեքենա և մոպեդ, որն էլ բախվել է ճամփեզրին կայանված «Ռենո» մակնիշի ավտոմեքենայի. մոպեդի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն։

***
Մայիսի 26-ին, ժամը 21.00-ին, Երևանի Գյուրջյան փողոցում իրար են բախվել «Վոլվո» մակնիշի ավտոմեքենա և մոպեդ. 30-ամյա մոպեդավարը մարմնական վնասվածքներով տեղափոխվել է հիվանդանոց:
Կատարվում է քննություն։

***
Մայիսի 26-ին, ժամը 17.40-ի սահմաններում, Երևան-Երասխ ճանապարհի 27-րդ կմ-ին իրար են բախվել «ՎԱԶ-2109» և «Օպել Աստրա» մակնիշի ավտոմեքենաներ. «Օպել Աստրայի» 19-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն։

***
Մայիսի 26-ին, ժամը 19.30-ի սահմաններում, Գյումրի քաղաքի Շիրազի փողոցում իրար են բախվել «Օպել» և երկու «Պորշ» մակնիշի ավտոմեքենաներ. «Օպելի» 60-ամյա և «Պորշ»-երից մեկի 29-ամյա վարորդը մարմնական վնասվածքներով տեղափոխվել են հիվանդանոց:
Կատարվում է քննություն։