Մեքենայում թմրանյութ էր պահում. պարեկների բացահայտումը

Փետրվարի 3-ին, ժամը 22-ի սահմաններում, պարեկային ծառայության Երևանի գնդի պարեկները Դավիթ Բեկի փողոցից, «Օպել» մակնիշի մեքենայով հանդերձ, ոստիկանության Նոր Նորքի բաժին բերման ենթարկեցին Նորագավիթի 44-ամյա մի բնակչի:
Մեքենայի զննությամբ հայտնաբերվեց երկու փաթեթ՝ մարիխուանայի նմանվող զանգվածով՝ ընդհանուր 4 գրամից ավելի:
Ըստ բերման ենթարկվածի՝ հայտնաբերվածը մարիխուանա է:
Նշանակվել է դատաքիմիական փորձաքննություն:
Հանգամանքները պարզվում են: